: नेपाली कांग्रेसको १५ औं महाधिवेशन समयमै गर्न दबाबमूलक बृहत भेला जारी रहेको छ। ‘विशेष महाधिवेशन पक्षधर’ ले बोलाएको भेलाको काउन्टरमा आज बिहान नियमित महाधिवेशन पक्षधरहरूले गौशालामा विशेष भेला बोलाएका हुन्।
भेला संस्थापन र डा. शेखर कोइराला नेतृत्वको इतर समूहका नेता छन्। भेलामा प्रदेश र जिल्लाका सभापति एवम् पदाधिकारीसमेत सहभागी छन्।
नेपाली कांग्रेस भित्र नियमित महाधिवेशन कि विशेष महाधिवेशन भन्नेमा विवाद चलिरहेको छ।
बुधबार पार्टी कार्यालय सानेपामा बसेको बैठकमा संस्थापन पक्ष नेताहरूले प्रतिनिधिसभा निर्वाचनपछि महाधिवेशन गर्नुपर्ने धारणा राखेका छन् भने संस्थापनइतर समूहका नेताहरूले निर्वाचन अघि नै महाधिवेशन गर्नुपर्ने धारणा राखेका छन्। यसअघि मंगलबार महामन्त्री गगनकुमार थापा र सहमहामन्त्री महेन्द्र यादवले अलग–अलग कार्यतालिका प्रस्तुत गरेका थिए।
