: दोलखाको यलुङ री हिमपहिरोमा परेकामध्ये थप दुई जना विदेशी आरोहीको शव फेला परेको छ। बुधबार इटालीका पाउलो कोको र फ्रान्सका क्रिस्चियन आन्द्रे मनफ्रेडीको शव निकालिएको दोलखाका प्रहरी प्रमुख ज्ञानकुमार महतोले बताए।
मंगलबार नेपाली पथप्रदर्शक सोलुखुम्बुको माप्य दूधकोशी गाउँपालिका–५ का मेरे कार्की र दोलखाको गौरीशंकर गाउँपालिका–९ का पदम तामाङको शव निकालिएको थियो।
उनीहरू सोमबार बिहान यलुङ री आरोहणका क्रममा हिमपहिरोमा परेका थिए।
