: बिर्तामोडमा डुबेर एक बालकको मृत्यु भएको छ । मृत्यु हुनेमा बिर्तामोड नगरपालिका-४ स्थित मेघावारि टोल निवासी विक्रम माझीका २ वर्ष ५ महिनाका छोरा दिवांश माझी रहेको जिल्ला प्रहरी कार्यालय झापाले जनाएको छ।
प्रहरीका अनुसार बुधबार बिहान ९ :४५ बजे बालक दिवांश खेल्ने क्रममा घर छेउमै रहेको अधुवा खोलामा डुबेका थिए । बालक डुबिरहेको अवस्थामा उनका हजुरबुबाले देखेर उद्दार गरी उपचारको लागि बीएण्डसी अस्पताल बिर्तामोड पुर्याउँदा उनको मृत्यु भइसकेको थियो ।
शवको कानुनी प्रक्रिया पूरा गरी पोस्टमार्टमको लागि प्रादेशिक अस्पताल भद्रपुर पठाइएको प्रहरीले जनाएको छ ।
