। हलिउड स्टार जोनाथन बेलीलाई प्रतिष्ठित पिपुल म्यागजिनले सन् २०२५ को सबैभन्दा ‘सेक्सी जीवित पुरुष’ को रुपमा घोषणा गरेको छ ।
‘द टुनाइट शो स्टारिङ जिमी फालन’ मा छनोटको घोषणा गरिएको थियो । यो उपाधि प्राप्त गर्ने उनी पहिलो खुलारुपमा घोषित समलिङ्गी पुरुष पनि बनेका छन् ।
सन् २०२५ मा सबैभन्दा सेक्सी पुरुष जीवित पुरस्कारको ४० औं वार्षिकोत्सव मनाइँदैछ । अभिनेता बेली आफ्नो अन्तर्वार्ताको लागि बस्दै गर्दा, फालनले बेलीको दुई आवरण पनि सार्वजनिक गरे ।
एउटा आवरणमा उनी चट्टानी समुन्द्रमा बसिरहेको देखिएको छ । अर्कोमा उनी फ्लफी कुकुरलाई समातेर शर्टलेस देखाइएको छ ।
बेलीले सन् २०२५ को सुरुमा शेक्सपियरको “रिचर्ड द्धितीय“ को निर्माणको बेला आफूलाई सबैभन्दा कामुक पुरुष भनेर सुनेको बताएका छन् ।
सन् १९८५ देखि “पिपुल्स सेक्सीएस्ट म्यान अलाइभ“ फिचर प्रकाशन हुँदै आएको हो । जसमा पहिलो पटक यो उपाधिबाट सम्मानित हुने व्यक्ति मेल गिब्सन हुन् ।
सन् २०२४ का विजेता जोन क्रासिन्स्की थिए । हालैका अन्य विजेतामा प्याट्रिक डेम्प्सी, क्रिस इभान्स, पल रुड, माइकल बी. जोर्डन र जोन लेजेन्ड समावेश छन् ।
बेलीले हिट नेटफ्लिक्स श्रृंखला ‘ब्रिजरटन’ मा एन्थोनी, भिस्काउन्ट ब्रिजरटनको भूमिका निर्वाह गरेपछि अन्तर्राष्ट्रिय प्रसिद्धी प्राप्त गरे ।
बेलीलाई अभिनेत, कमेडी र संगीत विधामा उनको बहुमुखी प्रतिभाको लागि प्रशंसा गरिएको छ । साथै, उनी मनोरञ्जन उद्योगमा एक अग्रणी एलजीबीटीआईक्यू अभियन्ता मानिन्छन् ।
