— बार्सिलोनाले स्पेनी ला लिगामा एल्चीलाई आइतबार ३–१ ले हराएको छ । गत साताको एल क्लासिकोको हारपछि बार्सिलोनाले आत्मसात् गरेको यो संघर्षपूर्ण जित रह्यो । यो जितपछि बार्सिलोना अंक तालिकाको दोस्रो स्थानमा पनि उक्लेको छ ।
उसको ११ खेलबाट २५ अंक भएको छ र यो शीर्षमा रहेको रियल म्याड्रिडसँग पाँच अंकको दूरी हो । बार्सिलोना पछाडि भिल्लारियल र एटलेटिको म्याड्रिड रहेका छन् ।
एल्चीविरुद्ध बार्सिलोनाका लागि लामिन यामल, फेरान टोरेस र मार्कस रसफोर्डले गोल गरे । राफा मिरले एल्चीका लागि एक गोल फर्काए र यससँगै बार्सिलोना दबाबमा आएको थियो ।
एल्ची १४ अंकमा नवौं स्थानमा रह्यो । आइतबारको अर्को खेलमा रियल बेटिसले रियल मार्लोकालाई ३–० ले हरायो ।
