: नेकपा माओवादी केन्द्रले नेकपा एकीकृत समाजवादीसँग पार्टी एकताका लागि सैद्धान्तिक र नीतिगत विषयमा टुंगो लागेको बताएको छ।
पार्टी प्रवक्त अग्नि सापकोटाले एकीकृत समाजवादी, महेन्द्रराय यादवको नेसपा, एमालेबाट विद्रोह गरेका प्रेमबहादुर सिंह, राजु कार्कीको नेकपा समाजवादी, सुवास काफ्लेको जनसमाजवादी पार्टीसँग छिट्टै एकता घोषणा हुने बताए। यद्यपि एकताका लागि प्राविधिक कुरा टुंगिन बाँकी रहेको उनले बताए।
उनले तत्काल पार्टी एकता नभए फागुन २१ गतेको चुनाव नहुन पनि सक्ने दाबी गरे। 'एकता ढिला गर्नु हुँदैन। किनकिन राष्ट्र झन् झन् अराजकता र संकटतिर गइरहेको छ। तत्काल पार्टी एकता गरेर पहलकदमी नलिए फागुन २१ को चुनाव पनि हुने सम्भावना छैन,' उनले भने।
