: विराटनगर किंग्सले नेपाल प्रिमियर लिग (एनपीएल)को दोस्रो सिजनका लागि विश्वप्रसिद्ध दक्षिण अफ्रिकी क्रिकेटर फाफ डु प्लेसिसलाई अनुबन्ध गरेको घोषणा गरेको छ।
टिम निर्देशक दिपेन्द्र चौधरीले विज्ञप्ति जारी गर्दै विश्व क्रिकेटका महान नाम फाफ डु प्लेसिसलाई टिममा अनुबन्ध गरेको जानकारी दिए।
प्लेसिसले दक्षिण अफ्रिका र इन्डियन प्रिमियर लिग (आइपीएल) को फेन्चाईज टिम (आरसीबी)को कप्तान गरेका छन्।
उनको अनुभव र नेतृत्वले विराटनगर किंग्सको टिमलाई अझ बलियो बनाउने विश्वास गरिएको छ।
टिम निर्देशक दिपेन्द्र चौधरीले जारी गरिएको विज्ञप्तिमा भनिएको छ,ʻफाफ डु प्लेसिसजस्ता विश्वस्तरीय खेलाडी आउनु विराटनगर किंग्स र एनपीएलका लागि गर्वको कुरा हो। उनको आगमनले विराटनगर किंग्स र एनपीएलका लागि आउने दिनमा अन्य विश्वस्तरिय खेलाडी आउन अझ उत्साहित हुनेछन्।ʼ
टिम निर्देशक चौधरीले फाफ डु प्लेसिसको आगमनले विराटनगर किंग्सका खेलाडीलाई ड्रेसिंग रुम र उनको अन्तर्राष्ट्रिय क्रिकेटको अनुभवबाट धेरै सिक्ने अवसर प्राप्त हुने बताए।
