: दोलखाको गौरीशंकर गाउँपालिकाको बेदिङ गो हिमालको दोस्रोपटक सफल आरोहण गरिएको छ। ६,१२५ मिटर उचाइको यो हिमाल गौरीशंकर हिमालको रेन्जभित्र पर्दछ। बेदिङ गो हिमाल गौरीशंकर हिमाल शृंखलाभित्र अवस्थित आकर्षक हिमाल हो।
कात्तिक ८ गते बिहान ११:३५ बजे, उत्तरतर्फको टेक्निकल रुटबाट दोस्रो पटक मानव पाइला टेक्न सफल भएको वडा नं. ९ का वडाअध्यक्ष नीमा गली शेर्पाले बताए। यो आरोहण निकै कठिन र प्राविधिक मानिने मार्गबाट सम्पन्न भएको पनि उनले बताए।
दोलखाको गौरीशंकर गाउँपालिका–९ का एक जना, सोलुखुम्बु थामे क्षेत्रका तीन नेपाली र दुई जापानी नागरिकले सफल आरोहण गरेका हुन्। मौसमको चुनौती, चट्टानी भिरालोपन र उच्च जोखिमबीच आरोहण सफल भएको वडाध्यक्ष निमागेलीको भनाइ छ। यसले पर्यटन सम्भावना, पर्वतारोहण र स्थानीय साहसिक अभियानको पहिचानलाई थप बलियो बनाउने पनि अध्यक्ष नीमा गेलीले बताए।
यसअघि, नेपालतर्फको नर्मल रुट हुँदै दोलखाकै छेरिङ पेमा शेर्पासहितको टोलीले सन् २०१५ अक्टोबर २९ मा पहिलो पटक सो हिमालको शिखरमा पाइला टेक्न सफल भएको थियो।
