तान्जानियाको प्रमुख विपक्षी दलले बुधबारको आम चुनावपछि देशभर भएको तीन दिनको विरोध प्रदर्शनमा सयौं मानिसको मृत्यु भएको बताएको छ।
मृत्युको संख्याका बारेमा फरक-फरक दाबीहरू आइरहेको बीबीसीले उल्लेख छ। बीबीसीका अनुसार देशव्यापी इन्टरनेट बन्द हुँदा यी तथ्यांकहरू प्रमाणित गर्न गाह्रो भएको छ।
विपक्षी दलका प्रवक्ता चाडेमाले एएफपीलाई बताएअनुसार सुरक्षा बलसँगको झडपमा करिब ७०० जनाको मृत्यु भएको छ। तान्जानियाको एक कूटनीतिक स्रोतले बीबीसीलाई बताएअनुसार कम्तीमा ५०० जनाको मृत्यु भएको विश्वसनीय रिपोर्ट छ।
सरकारले हिंसाको स्तर कम गर्न खोजिरहेको छ र अशान्ति रोक्न कर्फ्यू बढाएको छ। चुनावलाई अनुचित भन्दै प्रायः युवाहरू सडकमा उत्रिएर देशका धेरै शहरहरूमा विरोध प्रदर्शन गरेका छन्।
प्रदर्शनकारीहरूले सरकारले प्रमुख विपक्षी नेताहरूलाई दबाएर लोकतन्त्रलाई कमजोर बनाएको आरोप लगाएका छन्। एक जना जेलमा छन् भने अर्कोलाई प्राविधिक कारणले चुनावबाट अयोग्य घोषित गरिएको छ।
यसले तान्जानियाका राष्ट्रपति सामिया सुलुहु हसन र उनको पार्टी चामा चा मापिन्डुजी (सीसीएम)को जितको सम्भावना बढेको छ।
