: मेलबर्नमा अभ्यासका क्रममा घाइते भएका अस्ट्रेलियाली एक युवा क्रिकेटरको मृत्यु भएको छ।
१७ वर्षीय बेन अस्टिन नामका क्रिकेटर नेटमा अभ्यास गरिरहेका बेला स्वचालित बलिङ मेसिनबाट फ्याँकिएको बल उनको टाउको र घाँटीमा लागेको थियो।
अभ्यासको क्रममा उनले हेलमेट लगाएको विश्वास गरिएको छ।
मंगलबार घाइते भएका बेनलाई अस्पतालको जीवनरक्षक प्रणालीमा राखिएको थियो। तर बुधबार उनको मृत्यु भएको हो।
उनको क्रिकेट क्लबले बेन एक प्रतिभाशाली र लोकप्रिय खेलाडी भएको बताएको छ।
