— इंग्लिस प्रिमियर लिगमा टोटनहमले आइतबार राति एभरटनलाई ३–० ले पराजित गरेको छ र लिग तालिकाको तेस्रो स्थानमा उक्लेको छ ।
टोटनहमका लागि मिकी भान डे भेनले दुई गोल गरे । यो जितपछि टोटनहमको ९ खेलबाट १७ अंक भएको छ र उसले आफ्नो उत्तरी लन्डन क्लब प्रतिद्वन्द्वी आर्सनललाई पछ्याइरहेको छ ।
आर्सनल भने ९ खेलबाट २२ अंकमा पहिलो स्थान छ । उनीहरूको बीचमा बर्नमाउथ १८ अंकमा रहेको छ । आर्सनलले दिनको सुरुमा क्रिस्टल प्यालेसलाई १–० ले हराएको थियो र यससँगै शीर्ष स्थानमा आफ्नो पकड बलियो बनाएको थियो । इमिरेट्समा भएको खेलमा इबेरची इजीले निर्णायक गोल गरे ।
बर्नमाउथले भने नटिङघम फरेस्टमाथि २–० को जित रच्यो । म्यानचेस्टर सिटी भने एस्टन भिल्लाको हातबाट १–० ले पराजित रह्यो र त्यसमा निर्णायक गोल गर्ने खेलाडी रहे, म्याट क्यास । यस्तै बर्नलीले उल्भ्सलाई रोमाञ्चक खेलमा ३–२ ले हरायो ।
