— इंग्लिस प्रिमियर लिगमा लिड्स युनाइटेडले शुक्रबार राति वेस्ट ह्यामलाई २–१ ले हराएको छ । खराब लयबाट गुज्रिरहेको वेस्ट ह्याम हारले थप दबाबमा आएको छ र रेलिगेसन क्षेत्रमा कायम रह्यो ।
एलान रोडमा भएको खेलमा लिड्सले सुरुआती १५ मिनेटभित्र दुई गोल गरेको थियो र यो नै जितको आधार भयो । ब्रेन्डेन आरोन्सनले तेस्रो मिनेटमा पहिलो गोल गरे । त्यसपछि जोए रोडनले १५ औँ मिनेटमा दोस्रो गोल थपे ।
खेलको ९० औँ मिनेटमा म्याथेस फर्डिनान्डेसले वेस्ट ह्यामका लागि एक सान्त्वना गोल फर्काए । यो जितपछि लिड्स नौ खेलबाट ११ अंक भएको छ र १३ औँ स्थानमा छ । वेस्ट ह्याम भने समान खेलबाट चार अंकमा सीमित रह्यो ।
