: वीरगन्ज महानगरपालिका-१ बजार छपकैयामा दीपावलीको झालरबत्ती लगाउने क्रममा करेन्ट लागेर युवकको मृत्यु भएको छ।
मृत्यु हुनेमा बजार छपकैयाकै १७ वर्षीय पीयूष साह रहेको वडा प्रहरी कार्यालय विर्ताका प्रहरी निरीक्षक निरोज चौलागाईंले जानकारी दिए।
धनतेरसका दिन शनिबार साँझ ६ बजेतिर दीपावलीका लागि आफ्नै एक तल्ले घरमा झालर बत्ती लगाउने क्रममा करेन्ट लागेर साह अचेत भइ लडेका थिए। स्थानीयले उनलाई उपचारका लागि नारायणी अस्पतालमा लगेकोमा त्यहाँ उपचार हुन नसकेपछि नेशनल मेडिकल कलेजमा लैजाने क्रममा बाटोमै उनको मृत्यु भएको प्रहरी निरीक्षक चौलागाईंले जानकारी दिए।
