: अमेरिकी राष्ट्रपति डोनाल्ड ट्रम्पले प्यालेस्टिनी विद्रोही समूह हमासलाई नयाँ चेतावनी दिएका छन्। उनले सम्झौता अवज्ञा गरे हमासलाई नै समाप्त पारिदिने चेतावनी दिएका छन्।
ट्रम्पले आफ्नो सामाजिक सञ्जाल ट्रुथ सोसियलमा लेखेका छन्, 'यदि हमासले सम्झौताको अवज्ञा गर्दै गाजामा मानिसहरूलाई मार्ने काम जारी राख्यो भने हामीसँग उनीहरूलाई समाप्त गर्नुको विकल्प हुनेछैन।'
यसअघि ट्रम्पले गाजामा अमेरिकी सेना तैनाथ गर्न अस्वीकार गरेका थिए।
डोनाल्ड ट्रम्पको पछिल्लो भनाइलाई गाजामा भइरहेको हिंसासँग जोडिएको छ जुन हमासले आफ्ना विपक्षीहरूलाई लक्षित गरिरहेको आरोप लगाएको छ।
हमास र इजरायलबीचको युद्धविरामपछि गाजाका मानिसहरू आफ्नो घर फर्किरहेका छन् । आवश्यक सामानहरू जुटाउन उनीहरू व्यस्त छन्।
सहायता सामग्री बोकेका ट्रकहरू गाजामा आइपुगेका छन्।
