: जेनजीका नाममा विभिन्न कार्यालयमा कर्मचारी धम्क्याउँदै हिँडेका अर्जुन शाही पक्राउ परेका छन्।
उनलाई कोटेश्वरबाट पक्राउ गरिएको काठमाडौं प्रहरी परिसरका प्रवक्ता पवन भट्टराईले बताए। प्रवक्ता भट्टराईका अनुसार विभिन्न आपराधिक मुद्दामा फरार देखिएकाले शाहीलाई पक्राउ गरिएको हो।
अछामको पञ्चदेवल विनायक नगरपालिका-४ घर भएका २६ वर्षीय शाहीविरुद्ध प्रहरीका विभिन्न कार्यालयमा यसअघि पनि उजुरी परेको अभिलेखमा भेटिएको छ। शाहीको टोलीले नागरिक उड्डयन प्राधिकरण, नेपाल वायु सेवा निगमदेखि अख्तियार दुरूपयोग अनुसन्धान आयोगको केन्द्रीय कार्यालयसम्म पुगेर अनुगमन र ज्ञापनपत्रको नाममा धम्क्याएको थियो।