: लामो समयदेखि अवरुद्ध रहेको पृथ्वीराजमार्गको बेनिघाटदेखि तिब्बत सीमा लार्के जोड्ने सडक सुचारु भएको छ। सडक अवरुद्ध गराएको पहिरो ३४१ मेगावाटको बूढीगण्डकी जलविद्युत आयोजनाले सफा गरेपछि सडक सुचारु भएको हो।
दशैंका बेलाको वर्षातपछि पहिरो जाँदा तातोपानी र दोभानको सडकखण्ड अवरुद्ध भएको थियो। नेपाली सेनाले निर्माण गरिरहेको सो सडक सुचारु भएपछि चुमनुब्री गाउँपालिकाका बासिन्दा, धार्चे १ का बासिन्दा तथा पर्यटकलाई यात्रा गर्न सहज भएको चुमनुब्री ३ जगतका विशाल घलेले जानकारी दिए।
सो सडक खुलेपछि अब मालबाहक गाडी पाङसिङसम्म पुगेको छ। जिप लगायतका साना सवारी साधन भने जगत खोलामा पानीको गहिराइ धेरै भएकाले जान नसकेको घलेले जानकारी दिए। नेपाली सेनाले निर्माण गरिरहेको सो सडकको पाङसिङसम्म दुई वर्षदेखि यातायातका साधन चल्ने गरेका छन्।
