: अमेरिकी राष्ट्रपति डोनाल्ड ट्रम्प र इजिप्ट, कतार र टर्कीका नेताहरूले गाजामा शान्ति पुनर्स्थापना गर्ने घोषणापत्रमा हस्ताक्षर गरेका छन्। सोमबार इजिप्टको शर्म अल-शेखमा आयोजित सम्मेलनमा २० भन्दा बढी देशका नेताहरूको उपस्थितिमा हस्ताक्षर भएको थियो।
यस अवसरमा ट्रम्पले भने,' एउटा नयाँ र सुन्दर दिन सुरू हुँदैछ, अब पुनर्निर्माण सुरु हुँदैछ।' उनले इजरायल र हमास बीच युद्धविराम गराउन सहयोग गर्ने मध्यपूर्वी देशका नेताहरूको प्रशंसा गरे।
यसैबीच, इजिप्टका राष्ट्रपति अब्देल फताह अल-सिसीले उक्त दिनलाई 'ऐतिहासिक' भने । भारतको तर्फबाट विदेश राज्यमन्त्री कीर्तिवर्धन सिंह सम्मेलनमा उपस्थित थिए।
ट्रम्पको गाजा शान्ति योजनाको पहिलो चरणमा हमासले २० जना जीवित कैदीबन्दीलाई हस्तान्तरण गरेको छ। नेपालका विपिन जोशीसहित ४ जना इजरायली मृतक बन्धकहरूको शव फिर्ता गरेको छ। हमाससँग २८ मृतक बन्धक रहेको जनाइएको छ।
