: आइसीसी टी-२० विश्वकप एसिया तथा पूर्वी एसिया प्यासिफिक क्षेत्र छनोट अन्तर्गत यूएईसँगको खेलमा आसिफ शेखले टी-२० अन्तर्राष्ट्रियमा नवौँ अर्धशतक प्रहार गरेका छन्।
ओमानस्थित अल अमेरत क्रिकेट मैदानको ट्रफ १ मा भएको खेलमा टस जितेर ब्याटिङ गरेको नेपालले हाल १६ ओभर सकिँदा ३ विकेट गुमाउँदै १०३ रन बनाएर खेलिरहेको छ।
आसिफले ४५ बलमा ४ चौका र १ छक्कासहित अर्धशतक पूरा गरेका हुन्। उनी अर्धशतक पूरा गरेपछि ५१ रनमा बोल्ड आउट भए।
आसिफले २०२१ मा किर्तिपुरस्थित त्रिवि क्रिकेट मैदानमा नेदरल्यान्ड्सविरुद्ध डेब्यु गरेका थिए। आसिफले ६४ खेलमा ६३ इनिङ्समा ८ वटा अर्धशतक प्रहार गरेका थिए।
