: नोबेल शान्ति पुरस्कारको घोषणापछि ह्वाइट हाउसले नोबेल समितिको आलोचना गरेको छ।
ह्वाइट हाउसका सञ्चार निर्देशक स्टीवन चेउङले समितिले शान्तिभन्दा राजनीतिलाई प्राथमिकता दिएको बताएका हुन्।
सामाजिक सञ्जाल एक्समा पोस्ट गर्दै चेउङले लेखे, ʻराष्ट्रपति डोनाल्ड ट्रम्पले शान्ति सम्झौतामा मध्यस्थता गर्ने, युद्ध अन्त्य गर्ने र जीवन बचाउने काम जारी राख्नुहुनेछ। नोबेल समितिले शान्ति होइन, राजनीति रोजेको प्रमाणित गरेको छ।ʼ
उनले थप भने,ʻराष्ट्रपति ट्रम्पमा एक सच्चा मानवीय हृदय छ। इच्छाशक्तिको बलले असम्भवलाई सम्भव बनाउन सक्ने उहाँ जस्तो कोही छैन।ʼ
राष्ट्रपति ट्रम्प नोबेल शान्ति पुरस्कारका दाबेदार थिए। इजरायली प्रधानमन्त्री बेन्जामिन नेतान्याहूले पनि समितिलाई ट्रम्पलाई पुरस्कार प्रदान गर्न अपिल गरेका थिए।
