। नेपाली राष्ट्रिय महिला फुटबल टिमले इन्डोनेसिया र चाइनिज ताइपेइसँग अन्तर्राष्ट्रिय मैत्रीपूर्ण सिरिज खेल्ने भएको छ। अखिल नेपाल फुटबल संघ(एन्फा)ले नोभेम्बर २६ देखि २ डिसेम्बरसम्म इन्डोनेसियामा सिरिज हुने जानकारी दिएको हो।
नेपालले पहिलो खेल नोभेम्बर २६ मा घरेलु टोली इन्डोनेसियासँग खेल्नेछ। त्यस्तै दोस्रो खेल नेपालले डिसेम्बर २ मा चाइनिज ताइपेइसँग खेल्नेछ।
पछिल्लो समय महिला टिमको प्रशिक्षक बनेका प्याट्रिक डे वाइल्डले राजिनामा दिएयता नेपाली महिला टिमको प्रमुख प्रशिक्षकको पद रिक्त रहेको छ।
एन्फा महासचिव किरण राईले प्रशिक्षकको टुंगो केही दिन भित्र लाग्ने बताए। ‘हामीले यस सिरिजका लागि प्रशिक्षकको टुंगो १/२ दिनभित्र लगाउने छौं’ उनले अन्नपूर्ण पोस्ट्सँग भने।
