— इंग्लिस प्रिमियर लिगमा लिभरपुलले शीर्षस्थानमा लिएको अग्रताले ५ अंक छोएको छ । मर्सिसाइड डर्बीमा एभरटनमाथिको जितसँगै आर्सनल र म्यानचेस्टर सिटीले बराबरी खेलेपछि लिभरपुललाई यो फाइदाको स्थिति तयार भएको हो ।


डिफेन्डिङ च्याम्पियन लिभरपुलले एभरटनविरुद्ध विशेषतः दोस्रो हाफमा राम्रो खेल्न सकेन । यसले देखाउँछ, यो टिममा पनि कमजोरी त छ । लिभरपुलले कीर्तिमानी रकममा एलेक्जान्डर इसाकलाई भित्र्याए पनि उनको स्थानमा ह्युगो एकिटिकेले नै मौका पाइरहेका छन् । यो सप्ताहन्तको खेलपछि लिगका तीन प्रमुख विशेषता यस्तो रह्यो ः

आर्सनल अझै दोस्रो उत्कृष्ट

ग्याब्रियल मार्टिनेलीले गरेको उत्कृष्ट गोलको मदतमा आर्सनल यो सिजनको दोस्रो हारबाट जोगिन सफल रह्यो । तर टोलीले आफ्नो घरमा थाकेर लखतरान भएको सिटीलाई भने हराउन सकेन । यसले प्रश्न के बनेको छ भने आर्सनललाई साँच्चै लिभरपुल पछ्याउन गाह्रो त छैन ? आर्सनल त्यही टिम हो, जसले पछिल्लो तीन सिजन लगातार दोस्रो स्थानमा चित्त बुझाएको छ ।

यही कारणले आर्सनलले यो सिजनका लागि भनेर मन खुलेर खर्च गरेको छ । बजेटको आकार बढाए पनि आर्सनलले इसाक अनुबन्ध गर्ने दौडमा आफूलाई सामेल गर्न सकेन । कम्तीमा सिटीका इर्लिङ हालान्डले एकपल्ट फेरि प्रमाणित गरेका छन्, विश्वस्तरीय स्ट्राइकरको महत्त्व के छ भनेर । सिटीका लागि यो सिजनको ८ खेलमा उनले १३ गोल गरिसकेका छन् ।

Hardik IVF
Global IME Updated May 12
Laxmi Sunrise bank
यी खेल क्लब र देश दुवैका लागि हो । आसर्नलका लागि भिक्टर ग्योकेरेस एकपल्ट फेरि असफल भएका छन् । म्यानचेस्टर युनाइटेड र लिभरपुलविरुद्ध उनको खेल फिक्का नै रहेको थियो । अहिले नै लिभरपुलको तुलनामा आर्सनल ५ अंकले पछाडि परिसकेको छ । अबको खेलमा टोलीले न्युकासल युनाइटेडको सामना गर्नेछ । आर्सनल पछिल्लो सिजन दुवै पटक सेन्ट जेम्स पार्कमा पराजित थियो ।

एकिटिकेको प्रदर्शनमा स्तरीयता

लिभरपुल प्रशिक्षक आर्ने स्लटसामु अगाडि कसलाई खेलाउन हो भन्नमा विकल्पको सुविधा छ । लिभरपुलले २७ करोड डलर खर्चेपछि टोलीसामु इसाक छ, एकिटिके पनि छ । युरोपेली च्याम्पियन्स लिगमा एट्लेटिको म्याड्रिडविरुद्ध डेब्यु गरेका इसाकले एभरटनविरुद्ध सुरुदेखि खेल्न पाएनन् । उनको स्थानमा यही मौका एकिटिकेले पाए । उनी ६ करोड ९० लाख पाउन्डमा इन्ट्राक्ख्ट फ्रांकफर्टबाट लिभरपुल आएका हुन् ।

एभरटनविरुद्धको जितमा गोलको खाता उनले नै खोलेका थिए । यी युवा फ्रान्सेली स्ट्राइकरले प्रिमियर लिगमा गरेको गोलसंख्या तीन पुगिसकेको छ । उनको गोल स्तरीय थियो । ‘अरू सबै टिममा पनि नम्बर ९ मा खेल्न सक्ने दुई खेलाडी छन् । भाग्य के हामीसँग यो स्थानमा खेल्ने दुई उत्कृष्ट खेलाडी छन्,’ स्लट भन्छन् । एकिटिकेको लय खासमा लिभरपुलको अहिलेसम्मको शतप्रतिशत प्रदर्शनमा निर्णायक जस्तै छ ।

बरू बायर लेभरकुजनबाट १० करोड डलर मूल्यमा आएका फ्लोरिन विर्टज भने राम्रो प्रदर्शनका लागि संघर्षरत देखिएका छन् । उनी पूर्ण फिटनेसका लागि पनि संघर्षरत देखिएको छ । यति भन्दाभन्दै पनि लिभरपुल नै त्यो टिम रहेको छ, जसलाई उपाधिका लागि सबैभन्दा बलियो प्रत्याशी मान्न सकिन्छ । लगातार जित्ने बानी कायम राख्ने हो भने लिभरपुललाई पन्छाएर अगाडि बढ्न अरूलाई गाह्रै छ ।

प्यालेसको अपराजित यात्रा

लिभरपुलपछि यसपल्टको प्रिमियर लिगमा कुनै एक टिम अहिलेसम्म अपराजित छ भने त्यो क्रिस्टल प्यालेस नै हो । टोलीले भर्खरै लन्डन स्टेडियममा वेस्ट ह्यामलाई २–१ ले हराएको छ । यो नतिजाले वेस्ट ह्याम र यसका प्रशिक्षक ग्राहम पोर्टर खुबै दबाबमा परिसकेका छन् । गत सिजन प्यालेसको प्रदर्शन उत्कृष्ट रहेको थियो । सबै खाले प्रतियोगितामा गरेर प्यालेस पछिल्ला १७ खेलमा अपराजित छ ।

यो प्यालेसको कीर्तिमानी प्रदर्शन हो । यसक्रममा टोलीले एफए कप फाइनलमा म्यानचेस्टर सिटीलाई पनि हराएको थियो । त्यतिमात्र होइन, उसले लिभरपुललाई दुईपल्ट हराइसकेको छ भने आर्सनल, चेल्सी, टोटनहम र एस्टन भिल्लालाई पनि पराजित छ । प्यालेसको यो प्रदर्शनबाट स्वाभाविक रूपमा प्रशिक्षक ओलिभर ग्लास्नर खुसी छन् । लिगमा अब प्यालेसले सामना गर्ने भनेकै फेरि लिभरपुल हो ।

प्यालेस क्लब इतिहासमै पहिलो पटक युरोपमा पनि खेल्दै छ । ‘यो सबै राम्रो नतिजाका कारण सम्भव भइरहेको छ । यो दुई वा तीन साताको प्रदर्शन मात्र होइन, महिना दिनभन्दा लामो समयको हो । हाम्रा खेलाडीलाई के विश्वास हुन थालेको छ भने अहिले टिमले जे जस्तो खेलिरहेको छ, त्यो गति कायम राख्नुपर्छ ।’ प्यालेसले कन्फ्रेन्स लिग खेल्दै छ । त्यो युरोपा लिगबाट घटुवा गरिएको हुनाले खेल्नुपरेको हो ।