: दक्षिण अफ्रिकाका विकेटकिपर ब्याटर क्विन्टन डिककले सन्न्यास फिर्ता लिएका छन्। उनले सन्न्यास फिर्ता लिँदै दक्षिण अफ्रिकाको एकदिवसीय र टी-२० दुवै टिममा फर्किएका छन्।
उनी एकदिवसीय क्रिकेट श्रृंखलाको लागि पाकिस्तान भ्रमणमा र टी-२० अन्तर्राष्ट्रिय सिरिज नामिबीयासँगको भ्रमणमा उनको नाम समावेश गरिएको छ ।
डि ककले २०२३ मा ५० ओभरको क्रिकेटबाट अन्तर्राष्ट्रिय स्टेजबाट सन्न्यास लिएका थिए। उनले २०२३ को एकदिवसीय विश्वकपपछि र २०२४ मा टी-२० विश्वकप पछि सेतो बलको फम्र्याटमा अन्तिम खेल भनिएको थियो। तर उनले टी२० अन्तर्राष्ट्रियबाट भने कहिल्यै आधिकारिक रुपमा सन्न्यासको घोषणा गरेका थिएनन्।
उनले सीपीएललगायत विश्वका टी-२० फम्र्याटका लिगहरु सक्रिय देखिइरहेका थिए। हाल दक्षिण अफ्रिकन टिमका प्रमुख प्रशिक्षक शुक्रि कोर्नाडले डि ककसँगको छलफलबाट उनी राष्ट्रिय टिममा फर्कन तयार रहेको बताए।
‘क्विन्टन सेतो बलको फम्र्याटमा फर्किनु हाम्रो लागि निकै राम्रो उर्जा हो,’ कोनार्डले भने,‘हामीले पछिल्लो महिना उनको भविष्यबारे छलफल गरेका थियौं। उनी आफ्नो देशका लागि अझै खेल्न चाहन्थे।’
उनले एकदिवसीय अन्तर्राष्ट्रियबाट सन्न्यासको घोषणा गर्दै गर्दा उनी पुन फर्किने संकेत दिएका थिए। उनले १५५ वटा एकदिवसीय अन्तर्राष्ट्रिय खेल खेलेका छन्। जसमा उनले ६ हजार ७७० रन बनाएका छन्। उनले ९२ वटा टी२० अन्तर्राष्ट्रिय खेलेका छन्। जसमा उनले २ हजार ५८४ रन बनाएका छन्। उनले २०१५, २०१९ र २०२३ को एकदिवसीय विश्वकप खेलेका छन्।
उनले सन्न्यास लिएपछि छुटेको आइसीसी इभेन्ट भनेको च्याम्पियन्स ट्रफी हो। जसमा दक्षिण अफ्रिका सेमिफाइनलबाट बाहिरिएको थियो।
