। रियल मड्रिडले स्पानिस ला लिगामा स्पानयोललाई २-० ले पराजित गर्दे शतप्रतिशत जित यात्रालाई कायम राखेको छ ।
घरेलु मैदान सान्टियागो बर्नाबेउमा भएको भएको खेलमा रियलका लागि एडर मिलिटाओ र केलिएन एमबाप्पेले गोल गरे । ला लिगामा यस सिजन रियलको यो लगातार पाँचौ जित हो ।
५ खेलबाट १५ अंक जोडेर रियल शीर्ष स्थानमै कायम छ । समान खेलबाट १० अंकसहित स्पानयोल चौथोमा छ ।
मिलिटाओले २२औं मिनेटमा फेडेरिको भलभर्डेको पासमा गोल गर्दै रियललाई अग्रता दिलाएका थिए । त्यसपछि एमबाप्पेले ४७औं मिनेटमा भिनिसियस जुनियरको पासमा गोल गरे ।
अर्को खेलमा भियारियालले ओसासुनालाई २-१ ले पराजित गर्दै तेस्रो स्थानमा उक्लेको छ । भियारियालको ५ खेलबाट १० अंक छ ।
