: संयुक्त राज्य अमेरिकाले संविधान दिवसको अवसरमा नेपाल र नेपालीलाई शुभकामना दिएको छ। शुक्रबार अमेरिकाको विदेशमन्त्री मार्को रुबियोले विज्ञप्ति जारी गर्दै अमेरिकाको तर्फबाट शुभकामना दिएका हुन्।
विदेशमन्त्री रुबियोले दक्षिण एसियामा स्थिरता प्रवर्द्धन गर्न तथा विश्वलाई अझ सुरक्षित बनाउन नेपालसँग नजिकको सहकार्यलाई निरन्तरता दिने बताएका छन्। उनले नेपालको संविधानको पालना गर्ने अन्तरिम सरकारप्रतिको आंकाक्ष व्यक्त गर्दै आगामी निर्वाचन तयारीमा लोकतान्त्रिक समाधान अत्यावश्यक हुने उल्लेख गरेका छन्।
' नेपाली जनता आर्थिक वृद्धिलाई अगाडि बढाउने, क्षेत्रीय सुरक्षालाई सुदृढ गर्ने, र सबैका लागि समृद्धि प्रवर्द्धन गर्ने आशावादी भविष्य पाउन हकदार छन्। मिलेनियम च्यालेञ्ज कर्पोरेशन कम्प्याक्टले नेपालमा यातायात र ऊर्जा पूर्वाधारको विस्तार, रोजगारी सिर्जना, दीर्घकालीन आर्थिक वृद्धि प्रवर्द्धनमा योगदान दिनेछ, साथै अमेरिका र नेपालबिचको साझेदारीलाई सुदृढ गर्दै अमेरिकी कम्पनीहरूका लागि व्यापारिक अवसरहरू पनि सिर्जना गर्नेछ,'विज्ञप्तिमा भनिएको छ,' यस विशेष दिनमा हामी नेपाली जनतालाई फेरि बधाई ज्ञापन गर्दछौँ र दक्षिण एसियामा स्थिरता प्रवर्द्धन गर्न तथा विश्वलाई अझ सुरक्षित बनाउन नेपालसँग नजिकको सहकार्यलाई निरन्तरता दिने अपेक्षा गर्दछौँ।'
