: साफ यू-१७ च्याम्पियनसिपमा समूह ए अन्तर्गतको अन्तिम खेलमा नेपाल बंगलादेशसँग पराजित भएको छ। श्रीलंकाको कोलम्बोस्थित रेसकोर्स इन्टरनेसनल स्टेडियममा भएको खेलमा नेपाल बंगलादेशसँग ४–० ले पराजित भएको हो।
खेलको ३० औं मिनेटमा बंगलादेशले पहिलो गोल गर्यो। मोहम्मद अपू रहमानले हानेको कर्नरमा गोलकिपरले डिफ्लेक्ट गरेको बल मोहम्मद सबिर इस्लामले गोलमा परिणत गरे। पहिलो हाफमा एक १-०ले पछि परेको नेपालले दोस्रो हाफमा ३ गोल बेहोर्यो।
खेलको ४९ औं मिनेटमा अपू रहमानले डिफेन्डर र गोलकिपरलाई बिट गर्दै पेनाल्टी बक्सको दायाँ तर्फबाट गोल गरे। खेलको ५० औं मिनेटमा मोहम्मद आरिफले पेनाल्टी बक्स बाहिरबाट उत्कृष्ट फिनिस गरे। खेलको ६६ औं मिनेटमा बंगलादेशको लागि चौथो गोल भयो। बंगलादेशका लागि मोहम्मद मानिकले चौथो गोल गरे।
नेपालले समूह चरणको पहिलो खेलमा घरेलु टोली श्रीलंका विरुद्ध २-० को दर्ता गरेको थियो। नेपालले सेमिफाइनलमा स्थान बनाउन बंगलादेशले श्रीलंकालाई पराजित गर्नुपर्ने हुन्छ। यदि श्रीलंकाले बंगलादेशलाई हराएको खण्डमा भने नेपाल समूह चरणबाट बाहिरिन्छ।
समूह ए को अन्तिम खेलका रूपमा घरेलु टिम श्रीलंकाले बंगलादेशसँग खेल्नेछ। यस च्याम्पियनसिपमा सार्क राष्ट्रहरूको सातवटा देशले प्रतिस्पर्धा गरेका छन्। समूह ‘ए’ मा नेपाल, बंगलादेश र श्रीलंका रहेका छन् भने समूह ‘बी’मा भारत, भुटान, पाकिस्तान र माल्दिभ्स रहेका छन्।
