: सुनसरीको धरान उपमहानगरपालिकामा भदौ २४ गते जेनजी आन्दोलनको आवरणमा भएको आगजनी र तोडफोडका घटनाबारे संलग्नहरूलाई स्थानीय राजनीति दह र पीडितहरूले कडा कारवाहीको माग गरेका छन्।
धरानका पूर्वमेयर मनोज मेन्याङबोले आफ्नै होटल कंचनजङ्घामा आगजनी गर्नेविरुद्द इलाका प्रहरी कार्यालयमा किटानी जाहेरी दिएका छन्। मेन्याङबोले सञ्चालन गर्दै आएको कञ्चनजङ्गा होटलमा तोडफोड, आगजनी र करिब ६ लाख रुपैयाँ नगद लुटिएको भन्दै १२ जना प्रतिवादी उल्लेख गरेर कानुनी कारबाहीको माग गरेका हुन्।
आगजनीमा तस्बिर र भिडियो प्रमाणका आधारमा १२ जनाविरुद्ध किटानी जाहेरी दिएको मेन्याङबोले बताए ।
आगजनीमा धरानका पत्रकार बिमल शाक्य,मिलन बान्तवा राई र दिपचन्द्र राई (कान्छी)लगायतका व्यक्तिहरूको पहिचान भइसकेको छ। सोही दिन धरानमा नेपाली कांग्रेस, माओवादी केन्द्रका कार्यालयहरू, भाटभटेनी सुपरमार्केट, एमाले केन्द्रीय सदस्य मञ्जु भण्डारी,प्रदेश सदस्य जयकुमार राई, कार्यपालिका सदस्य सिर्जना नेपाल, कांग्रेस नेता उमेश थापा र सुजेन्द्र तामाङका घरहरूमा समेत आगजनी भएको थियो।
यी सबै घटनाको सत्यतथ्य छानबिन गरी संलग्नलाई कानुनको दायरामा ल्याउन र पीडितलाई उचित क्षतिपूर्ति उपलब्ध गराउन सरकारलाई आग्रह गरिएको छ। धरानका निवर्तमान मेयर तिलक राईले समेत आगजनी र तोडफोडमा संलग्न सबैको पहिचान गरी पक्राउ गर्न र कानुनी कारबाही गर्न माग गरेका छन्। यस्तै,धरानका सबै राजनीतिक दलहरूले पनि घटनाको निष्पक्ष छानबिन गरी दोषीलाई कानुन अनुसार कारबाही गर्न माग गरेका छन्।
आगजनिमा सम्लग्न दुईजनाले आत्मसमर्पण गरेका छन । उनीहरूलाई पक्राउ गरिएको इलाका प्रहरी कार्यालय धरानका डीएसपी प्रकाश जबेगुले बताए । उनले आगजनीमा संलग्न सबैलाई पक्राउ गरी कारवाही गरिने प्रतिबद्धता जनाएका छन् ।
