: अमेरिकी सेनाले अन्तर्राष्ट्रिय पानी सीमामा भेनेजु्एलाको लागुऔषध बोकेको डुंगामा आक्रमण गरी ध्वस्त बनाएको छ। अमेरिकी राष्ट्रपति डोनाल्ड ट्रम्पले अमेरिकातर्फ गइरहेको उक्त डुंगा आक्रमण गरी ध्वस्त बनाएको बताएका छन्। ट्रमका अनुसार उक्त घटनामा तीनजनाको मृत्यु भएको छ।
उनले यो कारवाही 'हिंसक लागुऔषध तस्करी गिरोह'विरुद्ध भएको दावी गरेका छन्। यद्दपि उनले डुंगामा लागुऔषध रहेको कुनै प्रमाण दिएका छैनन्।ट्रमले सोसल मिडिया ट्र्थमा लगभग ३० सेकेण्डको भिडियो पोस्ट गरेका छन्। जसमा पानीमा डुंगा विस्फोट हुँदै आगो लागेको देखाइएको छ।
लागुऔषध तस्करी रोक्ने अभियानअन्तर्गत अमेरिकाले दक्षिणी क्यारिबियन क्षेत्रमा युद्धपोत तैनाथ गरेपछि दुई देशबीच तनाव बढेको छ। यी अपरेशनहरूका क्रममा भएको आक्रमणमा हालसम्म ११ जनाको मृत्यु भयो।
केही समयअघि मात्रै भेनेजुएलाका राष्ट्रपति निकोलस मादुरोले आफ्नो देशले अमेरिकाको 'आक्रमण' को जवाफ दिने बताएका थिए। उनले अमेरिकी विदेशमन्त्री मार्को रुबियोलाई 'मृत्यु र युद्धको मालिक' भनेर टिप्पणी गरेका थिए।
