: इन्डोनेसियामा सयौं महिलाहरूले गुलाबी लुगा लगाएर संसद् सडकमा भुईँ बढार्दै प्रदर्शन गरेका छन्। यी विरोध प्रदर्शन प्रहरी क्रूरता र सरकारी फजुल खर्चको विरुद्धमा भइरहेका हुन्।
इन्डोनेसियाली महिला गठबन्धनले गुलाबी रंगले बहादुरीको प्रतीक रहेको बताएको छ। यस्तै झाडुले सरकार, सैन्यवाद र प्रहरीको दमनकारी नीतिले छाडेको फोहोर सफा गर्ने उनीहरूको तत्परताको प्रतीक रहेको बताएको छ।
इन्डोनेसियाको राजधानी जकार्ता र अन्य सहरमा दुई हप्तादेखि विरोध प्रदर्शन भइरहेका छन्।
सांसदको भत्ता वृद्धि र जीवनयापनका वस्तुको बढ्दो मूल्यवृद्धिको विरोधमा विरोध प्रदर्शन भइरहेका छन्।
विरोध प्रदर्शन बढेपछि राष्ट्रपति प्रबोवो सुबियान्तोले चिनियाँ सैन्य परेडमा भाग लिन बेइजिङ नजाने बताएका थिए।
तर बुधबार उनी चिनियाँ राष्ट्रपति सी चिनपिङ र रुसी राष्ट्रपति भ्लादिमिर पुटिनसँग तस्बिर खिचाउँदै गरेको देखिए।
चीन जानुअघि प्रबोवोले प्रदर्शनकारीको मुख्य मागमध्ये एक रहेको सांसदको भत्ता बढाउने निर्णय फिर्ता लिने बताएका थिए।
