: पाकिस्तानको क्वेटामा बलुचिस्तान नेशनल पार्टी (बीएनपी) को र्यालीपछि भएको विष्फोटमा १३ जनाको मृत्यु भएको छ भने ३१ जना घाइते भएका छन्। यस विष्फोटमा घाइते भएका जमान बलोचले बैठक सकिएपछि आफ्नो साथीलाई पर्खिरहेको बेला अचानक शक्तिशाली विस्फोट भएको बताएका छन्।
जमान बलोचले विष्फोटपछि उनले धेरै मानिसहरू भुइँमा लडिरहेको देखे र जताततै चिच्याहट र रोदन थियो।
बलुचिस्तान नेशनल पार्टीका केन्द्रीय सूचना सचिव आगा बलोचले नवाब नियाज जेहरीको गाडी नजिकै विष्फोट भएको बताए। उनले विस्फोटमा उनका केही व्यक्तिगत सुरक्षाकर्मीको पनि मृत्यु भएको बताएका छन्।
राज्य सरकारले घटनाको छानबिन गर्न आदेश दिएको छ। बलुचिस्तानका मुख्यमन्त्री मीर सरफराज बुगटीले घटनाको निन्दा गर्दै विष्फोट 'मानवताका शत्रुहरूको कायरतापूर्ण कार्य' भएको बताएका छन्।
उनले भने, 'आतंककारीहरूको कुटिल मनसायलाई कुनै पनि हालतमा विफल पारिनेछ।'
