: बागमती प्रदेश सरकारले चलाएको लम्पी स्किन रोगको रोकथाम तथा नियन्त्रण अभियान अन्तरगत प्रदेशभर ९६ हजार ३ सय ४७ वटा गाई तथा भैँसीलाई खोप लगाइएको छ ।
पछिल्लो समय चितवनमा यो रोग तीव्ररूपमा फैलिएको छ। रोगको न्यूनीकरणका लागि खोप अभियानको सुरुवात ललितपुरबाट गरिएको थियो। क्रमशः अन्य १३ वटै जिल्लामा अभियान सञ्चालन गरिएको बागमती प्रदेशका कृषि तथा पशुपन्छी विकासमन्त्री मधुसूदन पौडेलले जानकारी दिए।
लम्की स्किन रोगविरुद्धको सप्ताहव्यापी खोप अभियान अन्तर्गत सिन्धुलीमा १० हजार ३ सय २८ वटा गाई तथा भैँसीलाई खोप लगाइएको छ। त्यसै रामेछापमा ४ हजार ४ सय ३७, काठमाडौंमा ४ हजार ३ सय ५०, ललितपुरमा ३ हजार ६ सय ६, भक्तपुरमा १ हजार ५ सय ४३, धादिङमा ६ हजार ५१, काभ्रेपलाञ्चोकमा ७ हजार ६ सय ९८ वटा गाई भैँसीमा खोप लगाइएको छ। यस्तै नुवाकोटमा ७ हजार ७ सय २४, रसुवामा ३ हजार ६ सय ३४, दोलखामा ९ हजार ९ सय ८२, सिन्धुपाल्चोकमा ६ हजार २ सय ८४, चितवनमा ६ हजार १५ र मकवानपुरमा २४ हजार ६ सय ९५ गाई भैँसीमा लम्की स्किन रोगविरुद्धको खोप लगाइएको छ।
यसअघि प्रदेशभर २ लाख ४५ हजार २२२ गाई तथा भैँसीमा लम्पी स्किन रोगविरुद्धको खोप लगाइएको मन्त्रालयले जनाएको छ।
