: अष्ट्रेलियन बलर मिचेल स्टार्कले टी२० अन्तर्राष्ट्रिय क्रिकेटबाट सन्न्यासको घोषणा गरेका छन्।
स्टार्कले आफूले टेष्ट क्रिकेट र २०२७ को एकदिवसीय विश्वकपमा ध्यान केन्द्रित गर्नका लागि टी-२० अन्तर्राष्ट्रियबाट सन्न्यास लिएको बताए।
३५ वर्षीय स्टार्कले २०१२ मा अष्ट्रेलियाका लागि टी-२० अन्तर्राष्ट्रियमा डेब्यु गरेका थिए। उनले त्यसयता अष्ट्रेलियन टिममा रहेर ६६५ वटा टी-२० अन्तर्राष्ट्रिय खेल खेलेका छन्।
२०२१ मा अष्ट्रेलियाले टी-२० विश्वकप जित्दा उनी त्यस टिमको सदस्य रहेका थिए। उनले भारत र श्रीलंकामा हुने टी-२० विश्वकपको ६ महिनाअघि टी-२० अन्तर्राष्ट्रिय फम्र्याटबाट सन्न्यास लिएका हुन्। उनले ६५ टी-२० अन्तर्राष्ट्रियमा ७९ विकेट लिएका छन्।
टी-२० अन्तर्राष्ट्रिय क्रिकेटको सन्न्यासपछि स्टार्क भन्छन्,‘मेरो लागि टेष्ट क्रिकेट सधैं नै प्राथमिकतामा रहेको थियो। तर मैले अष्ट्रेलियाको लागि खेलेको हरेक टी-२० खेलमा उत्तिकै प्रिय छ। अझ विशेषतः २०२१ को विश्वकपको क्षण निकै खास छ। हामीले जितेर भन्दा पनि हामी त्या बेला उत्कृष्ट क्रिकेट ब्याच थियौँ।’
