: बेइजिङमा चिनियाँ राष्ट्रपति सी जिनपिङ र रुसी राष्ट्रपति भ्यादिमिर पुटिनबिच द्विपक्षीय बैठक सम्पन्न भएको छ। चीनको सबैभन्दा ठूलो सैन्य परेड हुनुभन्दा एक दिनअघि उनीहरूबिच द्विपक्षीय बैठक सम्पन्न भएको हो।
भेटका क्रममा पुटिनले दुई देशबीचको सम्बन्धलाई 'अभूतपूर्व स्तर' मा रहेको वर्णन गरेका छन्। उनले भने, 'हाम्रो निकट अन्तरक्रियाले रूस र चीनबीचको रणनीतिक सम्बन्धलाई प्रतिबिम्बित गर्दछ।'
रुसी राष्ट्रपति पुटिनले सम्पूर्ण रूसी प्रतिनिधिमण्डल र चिनियाँ साथीहरू / सहकर्मीहरूसँग भेट्न पाउँदै धेरै खुसी लागेको बताएका छन्।
पुटिनले भने,'प्रिय मित्र, म र सम्पूर्ण रूसी प्रतिनिधिमण्डल हाम्रा चिनियाँ साथीहरू र सहकर्मीहरूलाई फेरि एक पटक भेट्न पाउँदा धेरै खुसी छौं। हामी त्यतिबेला पनि सँगै थियौं र अहिले पनि सँगै छौं।'
त्यसको प्रतिउत्तरमा सी जिनपिङले भने,'चीन-रूस सम्बन्धले अन्तर्राष्ट्रिय परिवर्तनहरूको परीक्षा उत्तीर्ण गरेको छ।' उनले भने ,'चीन अझ न्यायपूर्ण र समतामूलक विश्वव्यापी शासन प्रणाली निर्माण गर्न रूससँग काम गर्न चाहन्छ।
बुधबार,सी जिनपिङले दोस्रो विश्वयुद्धको अन्त्यमा चीनमा जापानले आत्मसमर्पण गरेको ८० औं वार्षिकोत्सवको अवसरमा चीनको अहिलेसम्मकै सबैभन्दा ठूलो सैन्य परेड आयोजना गर्नेछन्।
