: जेलमा रहेका पाकिस्तानका पूर्वप्रधानमन्त्री इमरान खानले पाकिस्तानी सेना प्रमुख फिल्ड मार्शल असीम मुनीरमाथि गम्भीर आरोप लगाएका छन्।
उनले मुनीर ʻसत्ताको भोकोʼ र देशमा ʻसबैभन्दा खराब प्रकारको तानाशाहीʼ चलाउँदै आएको बताए।
इमरान खानले सामाजिक सञ्जालमा पोस्ट गर्दै लेखेका छन्,ʻसेना प्रमुख असीम मुनीर सत्ताको भोका छन्। त्यसैले उनले पाकिस्तानमा सबैभन्दा खराब तानाशाही लागू गरेका छन्। मुनीरले न नैतिकता बुझ्छन् न इस्लाम।ʼ
उनले थप भने, ʻअसिम मुनीरले मसँग (मे ९, २०२३ को दंगाको लागि) माफी माग्नुपर्छ। मे ९ को घटनाको षड्यन्त्र रच्ने र सीसीटीभी फुटेज चोर्ने उनी नै थिए।ʼ
इमरान खान अगस्ट २०२३ देखि जेलमा रहेका छन् भने धेरै मुद्दाको सामना गरिरहेका छन्।
खानले भने,ʻदेशमा कुनै हाइब्रिड प्रणाली छैन। जे छ त्यो असीम मुनीरको तानाशाही हो। त्यसैले अमिरिकी राष्ट्रिपति डोनाल्ड ट्रम्पले शाहबाज शरीफको सट्टा असीम मुनीरलाई बोलाए।ʼ
इमरान खानले राजनीतिसँग कुनै सम्बन्ध नभए पनि आफ्ना दुई भतिजासहितका आफन्तलाई अपहरण गरिएको आरोप पनि लगाए।
