: इजरायली प्रधानमन्त्री बेन्जामिन नेतान्याहूले बन्धकहरूको रिहाइसहित ʻइजरायललाई स्वीकार्यʼ सर्तमा गाजा युद्ध अन्त्यका लागि वार्ताको निर्देशन दिएका छन्।
नेतान्याहूले इजरायली सेनालाई बताएअनुसार मन्त्रिपरिषद्ले अन्तर्राष्ट्रिय र घरेलु विरोधका बाबजुद गाजा शहरको उत्तरी भागमा ठुलो आक्रमणको योजनालाई अनुमोदन गरेको छ।
कतार र इजिप्टका मध्यस्थकर्ताले तयार पारेको ६० दिने युद्धविराम प्रस्तावमा हमास सोमबार सहमत भएको छ।
कतारका अनुसार यस प्रस्ताव अन्तर्गत गाजामा रहेका बाँकी बन्धकमध्ये आधालाई रिहा गर्नुपर्ने छ। तर नेतान्याहूले यो सम्झौता स्वीकार गरेका छैनन्। नेतान्याहूले आफ्ना सबै बन्धकको रिहाइका लागि वार्ता सुरु गर्न निर्देशन दिएका छन्।
इजरायल र हमास बीचको युद्ध ७ अक्टोबर २०२३ मा दक्षिणी इजरायलमा हमासको आक्रमणपछि सुरु भएको थियो।
