: चीनलाई गोप्य जानकारी बेचेको आरोपमा अमेरिकी नौसेनाका एक नाविकलाई दोषी ठहराइएको छ।
क्यालिफोर्नियामा तैनाथ २५ वर्षीय नाविक जिन्चाओ वेईलाई ६ वटा आरोपमा दोषी ठहराइएको हो।
यसमा जासुसी, जासुसीको षड्यन्त्र र अमेरिकी नौसेना जहाजसँग सम्बन्धित गोप्य डेटाको अवैध साझेदारी रहेको छ।
जिनचाओ वेईको परिचय सामाजिक सञ्जाल मार्फत एक चिनियाँ एजेन्टसँग भएको थियो।
ʻनाविकले संयुक्त राज्य अमेरिकाको सेनाको सदस्यको रूपमा आफूमाथि राखिएको विश्वासको गम्भीर विश्वासघात गरे,ʼ नाविकको दोषी ठहरपछि अमेरिकी वकिल एडम गोर्डनले भने।
वकिल गोर्डनले नाविकले पैसाका लागि चीनलाई सैन्य जानकारी बेचेर आफ्ना साथी तथा देशको सुरक्षामा खतरा पारेको बताए।
