: अफगानिस्तानमा सडक दुर्घटनामा परी ७३ जनाको मृत्यु भएको छ। मृत्यु हुनेमा १७ बालबालिका पनि छन्। एक तालिवान अधिकारीले बीबीसीलाई बताएअनुसार उनीहरूमध्ये धेरैजसो इरानबाट निष्कासित अफगानी आप्रवासीहरू रहेको बुझिएको छ।
तालिवानका सूचना तथा संस्कृति निर्देशक अहमदुल्लाह मुत्ताकीले काबुल जाँदै गरेको बस अन्य सवारीसँग ठोक्किँदा दुर्टना भएको बताएका छन्। बसमा रहेका सबै यात्रुको मृत्यु भएको साथै ठोक्किएका दुई सवारी साधनमा सवार दुई जनाको पनि मृत्यु भएको उनले बताए।
हालैका महिनामा इरानले आफ्नो देशमा भएको द्वन्द्वबाट भागेका अफगानीहरूलाई देश निकाला गर्ने प्रक्रियालाई तीव्र बनाएको छ।सन् १९७० को दशकदेखि लाखौं अफगानीहरू इरान र पाकिस्तान भागेका छन्।
यसमा सन् १९७९ मा अफगानिस्तानमा सोभियत संघको आक्रमणको समयमा र २०२१ मा तालिवान सत्तामा फर्किएपछि ठूलो संख्यामा मानिसहरू समावेश छन्।
