: टप एण्ड टी-२० सिरिजमा नेपाल मेलवर्न स्टार्ससँग ३१ रनले पराजित भएको छ । नदर्न टेरिटोरीमा भएको खेलमा नेपालको यो तेस्रो हार हो।
मेलवर्न स्टार्सले दिएको १७६ रनको विजयी लक्ष्य पछ्याएको नेपालले निर्धारित २० ओभरमा ७ विकेट गुमाउँदै १४४ रन बनाएको हो। नेपालका लागि ओपनर ब्याटर आसिफ शेखले सर्वाधिक ५३ रन बनाए। उनले ४९ बलमा ५३ रन बनाए। उनले तेस्रो विकेटको लागि कप्तान रोहित पौडेलसँग ८७ रनको साझेदारी गरेका थिए।
नेपालका लागि पहिलो विकेटको रूपमा ओपनर ब्याटर कुशल भुर्तेल १३ बलमा २६ रन बनाउँदै ३.२ ओभरमा स्टम्पिङ भए। नेपालले ३० रन बनाउँदा पहिलो विकेट गुमायो। उनलाई डी वार्डनले विकेटकिपरको हातबाट स्टम्पिङ गराए।
नेपाले दोस्रो विकेटको रूपमा भिम सार्कीलाई गुमायो। वान डाउन आएका सार्की ३.६ ओभरमा १ रन बनाउँदै एलबीडब्ल्यू आउट हुँदै पेभेलियन फर्किए। उनलाई वार्डनले एलबीडब्ल्यू गराउँदै पेभेलियन पठाएका हुन्।
नेपालको तेस्रो विकेटको रूपमा कप्तान रोहित पौडेललाई गुमायो। १५.४ ओभरमा ३० बल खेल्दै ३३ रन बनाउँदै क्याच आउट भए। १६.१ ओभरमा आसिफ शेख ५३ रन बनाउँदै रनमा रन आउट भए। कुशल मल्लले अर्को इन्डबाट रन नलिँदा आसिफ रन आउट भएका हुन्।
१६.६ ओभरमा दीपेन्द्र सिंह ऐरी खाता मात्रै खोल्दै बोल्ड भए। १८.५ ओभरमा नेपालले छैटौँ विकेटको रूपमा कुशल मल्ललाई गुमायो। उनले ११ बलमा ११ रन बनाउँदै क्याच आउट भए। गुल्सन झा अन्तिम ओभरको अन्तिम बलमा २ रनमा आउट हुँदा आरिफ शेख ८ रनमा अविजित रहे।
मेलबर्न स्टार्सका लागि अस्टिन अन्लेजार्क र डग वारेनले २–२ विकेट लिए ।
त्यसअघि, टस जितेर ब्याटिङ गरेको मेलवर्नले निर्धारित २० ओभरमा ७ विकेट गुमाउँदै १७५ रन बनाएको थियो। मेलबर्नका लागि ब्लेक म्याकडोनाल्डले सर्वाधिक ७४ रन बनाए । थोमस रोजर्सले ६५ रन बनाए । यी दुईले दोस्रो विकेटका लागि शतकीय साझेदारी गरेका थिए । कप्तान क्याम्पबेल केलावे व्यक्तिगत २ रनमा पहिलो ओभरमै आउट भएपनि ब्लेक र थोमसले दोस्रो विकेटका लागि १२० रनको साझेदारी गरे ।
नेपालका लागि बलिङतर्फ सन्दीप लामिछानेले ३ विकेट, सोमपाल कामी र शाहब आलमले १–१ विकेट लिए । नेपालले पहिलो खेलमा नर्थन टेरिटोरी स्ट्राइकसँग ४२ रन र दोस्रो खेलमा बङ्गलादेश ए सँग ३२ रनले पराजित भएको थियो।
नेपाल यसअघि प्रतियोगिताको पहिलो खेलमा नर्दन टेरिटोरी र दोस्रो खेलमा बंगलादेश ‘ए’सँग पराजित भएको थियो। नेपालले चौथो खेल होर्बट हुरिकेन्ससँग खेल्नेछ।
