: अस्ट्रेलिया र दक्षिण अफ्रिकाबीचको तीन खेलको टी–२० शृङ्खलाको अन्तिम खेल शनिबार केर्न्सको केजली स्टेडियममा खेलिएको थियो। खेलमा आयोजक अष्ट्रेलियाले २ विकेटले रोमाञ्चक जित हासिल गर्यो। दक्षिण अफ्रिकाले अष्ट्रेलियालाई जित्नका लागि १७३ रनको लक्ष्य दिएको थियो। अस्ट्रेलियाले एक बल बाँकी रहँदा हासिल गर्यो। यो जितसँगै अष्ट्रेलियालीले टी–२० शृङ्खला २–१ ले जितेको छ।
टी–२० अन्तर्राष्ट्रिय खेलमा अस्ट्रेलियाको जितका नायक ग्लेन म्याक्सवेल थिए। म्याक्सवेलले ३६ बलमा ८ चौका र २ छक्काको मद्दतले अविजित ६२ रन बनाए। त्यसपछि म्याक्सवेलले एन्गिडीको पाँचौँ बलमा चौका पठाएर आफ्नो टोलीलाई जित दिलाए।
लक्ष्य पछ्याउँदै ट्राभिस हेड र कप्तान मिचेल मार्शले अस्ट्रेलियालाई उत्कृष्ट सुरुवात दिए। उनीहरुले पहिलो विकेटका लागि ६६ रन जोडे। मार्शले ३७ बलमा ५ छक्का र ३ चौका प्रहार गर्दै ५४ रन बनाए भने हेडले १८ बलमा ३ चौका प्रहार गर्दै १९ रनको योगदान दिए। राम्रो सुरुवात पछि अष्ट्रेलियाले नियमित अन्तरालमा विकेट गुमायो र स्कोर ६ विकेटमा १२२ रन भयो। यहाँबाट ग्लेन म्याक्सवेलको जादुई इनिङले दक्षिण अफ्रिकालाई अफ्ठ्यारो भयो। दक्षिण अफ्रिकाका लागि कोर्बिन बोशले सर्वाधिक तीन विकेट लिए। क्वेना म्फाका र कागिसो रबाडाले दुई–दुई विकेट लिए।
दक्षिण अफ्रिकाले टस हारेर पहिले ब्याटिङ गर्दै सात विकेटमा १७२ रन बनाएको थियो। डेवाल्ड ब्रेभिसले २६ बलमा ६ छक्का र १ चौका प्रहार गर्दै ५३ रन बनाए। रस्सी भान डेर डुसेनले २६ बलमा ३ चौका प्रहार गर्दै ३८ रनको योगदान दिए। ट्रिस्टन स्टब्स (२५ रन) र लुआन–ड्रे प्रिटोरियस (२४ रन)ले पनि उपयोगी इनिङ खेले। अस्ट्रेलियाका लागि नाथन एलिसले सर्वाधिक तीन विकेट लिए भने एडम जाम्पा र जोश हेजलवुडले दुई–दुई विकेट लिए।
टी–२० शृङ्खलाको पहिलो खेलमा अस्ट्रेलियालीले १७ रनले जित हासिल गरेको थियो। यसपछि एडेन मार्करामको नेतृत्वमा रहेको दक्षिण अफ्रिकाले बदला लिँदै दोस्रो टी–२० अन्तर्राष्ट्रिय खेल ५३ रनले जित्यो। त्यसपछि अष्ट्रेलियाले तेस्रो खेल जितेर शृङ्खला कब्जा गरेको छ।
