: एसिया कप २०२५ का लागि पाकिस्तानी क्रिकेट टोलीको घोषणा गरिएको छ। आइतबार गरिएको टोलीको घोषणा अनुसार प्रतियोगितामा सलमान अली आघाले पाकिस्तानी टोलीको कप्तानी गर्नेछन्।
स्टार खेलाडी बाबर आजम र मोहम्मद रिजवानले १७ सदस्यीय पाकिस्तानी टोलीमा स्थान पाएका छैनन्। बाबर र रिजवानले पछिल्ला केही टी–२० शृङ्खलामा मौका पाएनन्। उनीहरूलाई एसिया कपमा पनि टिममा राखिएको छैन।
एसिया कप अघि पाकिस्तानी टोलीले संयुक्त अरब इमिरेट्स (युएई)को शारजाहमा त्रिकोणीय शृङ्खला पनि खेल्ने भएको छ। यसमा अफगानिस्तान र युएईका टिम छन्। त्रिकोणीय शृङ्खलामार्फत यी टोलीले एसिया कपका लागि आफ्नो तयारी गर्नेछन्।
पाकिस्तानको टोली: सलमान आघा (कप्तान), अबरार अहमद, फहीम अस्रफ, फखर जमान, ह्यारिस रउफ, हसन अली, हसन नवाज, हुसैन तलत, खुर्शदिल शाह, मोहम्मद ह्यारिस (विकेटकिपर), मोहम्मद नवाज, मोहम्मद वसीम, साहिबजादा फारहान, साइम अय्युब, सलमान मिर्जा, शाहिन शाह अफ्रिदी, सुफयान मोकीम
