: यो सातादेखि प्रीमियर लिग सुरु हुँदैछ। पहिलो खेलमा डिफेन्डिङ च्याम्पियन लिभरपुलले शुक्रबार एन्फिल्डमा बोर्नमाउथको सामना गर्दैछ।
म्यान्चेस्टर युनाइटेडले आर्सनलको स्वागत गर्नेछ भने लिड्स युनाइटेडले इभर्टनलाई स्वागत गर्दै शीर्ष लिगमा फर्किने लक्ष्यमा छन्।
प्रीमियर लिगको २०२५–२६ सिजनमा केही नयाँ परिवर्तन भएका छन्। यो सिजनमा धेरै रोचक र नयाँ अनुभव हुने जनाइएको छ।
नयाँ प्रबंधक र खेलाडी
अन्जे पोस्टेकोग्लूको सिजनपछि टोटेनह्यामका प्रबंधकको रूपमा थमस फ्रैंक नियुक्त भएका छन्। लिभरपुलले जर्मन मिडफिल्डर फ्लोरियन विर्ट्जलाई १०० मिलियन पाउन्डमा टिममा ल्याएको छ। स्ट्राइकर एलेक्जान्डर इसाक र ह्युगो एकिटिके पनि नयाँ खेलाडी हुन्। आर्सनल र म्यान्चेस्टर युनाइटेडले पनि नयाँ स्ट्राइकरहरू भित्र्याएका छन्।
नयाँ टोली
लिड्स युनाइटेड, बर्नली र सन्डर्ल्याण्डले च्याम्पियनशिप जितेर प्रिमियर लिगमा फर्केका छन्।
काननी परिवर्तन
गोलकिपरले ८ सेकेन्डभन्दा बढी बल थामेमा विपक्षीलाई कोर्नर दिइनेछ। यस्तै, केवल क्याप्टनलाई रेफ्रीसँग कुरा गर्न अनुमति हुनेछ र खेलाडीहरूले रेफ्रीसँग असम्मानजनक व्यवहार गर्दा येलो कार्ड पाउनेछन्।
टेलिभिजनसँग सम्झौता
प्रिमियर लिगले ६.७ बिलियन पाउन्डको नयाँ चार वर्षीय घरेलु टेलिभिजनसँग सम्झौता गरेको छ। स्काई र टिएनटीलाई २७० खेलको लाइभ प्रसारण गर्ने अधिकार दिएको छ।
रेफ क्याम
यस सिजनमा रेफ्रीले क्यामरा लगाउनेछन्। यसले दर्शकलाई नयाँ दृष्टिकोणमा खेलको क्रियाकलाप देखाइनेछ।
