मुख्य समाचार
माओवादी केन्द्रले मुख्यसचिव एकनारायण अर्याललाई नैतिकता प्रदर्शन गर्न आग्रह
माओवादी केन्द्रले मुख्यसचिव एकनारायण अर्याललाई नैतिकता प्रदर्शन गर्न आग्रह

। प्रमुख प्रतिपक्षी दल नेकपा माओवादी केन्द्रले मुख्यसचिव एकनारायण अर्याललाई नैतिकता प्रदर्शन गर्न आग्रह गरेको छ ।

बुधबार प्रतिनिधि सभामा बोल्दै माओवादी केन्द्रका सांसद पूर्णबहादुर घर्तीले कुलिङ अफ पिरियड प्रकरण स्मरण गर्दै मुख्यसचिव अर्याललाई यस्तो आग्रह गरेका छन् ।


निजामती सेवा विधेयकमा सरकारी कर्मचारीका लागि कुलिङ अफ पिरियड लागू गर्ने विषयमा सहमति जुटेको थियो । तर, कुलिङ अफ पिरियडको प्रावधान निष्क्रिय हुने भाषा समेत विधेयकमा परेको भनेर प्रश्न उठेपछि संसदीय विशेष छानबिन समिति नै बनेर अध्ययन भएको छ ।

नेपाली कांग्रेसका सांसद जीवन परियार नेतृत्वको संसदीय छानबिन समितिले राजनीतिक र नैतिक रुपमा जिम्मेवार ठहर्‍याएका राज्य व्यवस्था तथा सुशासन समितिका सभापति रामहरि खतिवडाले राजीनामा दिइसकेका छन् ।

संसदीय छानबिनले परोक्ष रुपमा मुख्यसचिव अर्यालसहितका अन्य सरकारी कर्मचारीलाई समेत कुलिङ अफ पिरियडको सम्बन्धमा भएको गम्भिर त्रुटिमा जिम्मेवार रहेको देखाएको छ । कर्मचारीको हकमा पनि नैतिकता देखिनुपर्ने माओवादी सांसद घर्तीको आग्रह छ ।

‘राज्य व्यवस्था तथा सुशासन समितिका सभापति माननीय रामहरि खतिवडाले नैतिक जिम्मेवारी स्वीकार्दै सभापति पदबाट राजीनामा दिनुभयो । तर, सोही प्रकरणमा प्रत्यक्ष वा अप्रत्यक्ष संलग्न पदाधिकारीहरूले किन उस्तै नैतिक मानकको पालना गरेनन् ?,’ सांसद घर्तीको प्रश्न छ ।

संविधान र कानुनको अगाडि सबै समान हुने प्रावधानको उल्लंघन हुने व्यवहार नगर्न पनि उच्च पदस्थ कर्मचारीलाई माओवादी सांसद घर्तीको आग्रह छ ।

प्रतिक्रिया दिनुहोस्
अन्य समाचारहरु
: राष्ट्रिय स्वतन्त्र पार्टी (रास्वपा) केन्द्रीय सदस्य डा.अरनिको पाँडे चारदिन प्रहरी हिरासतमा रहने भएका छन् । जिल्ला अदालत काठमाडौंले उनीविरुद्धको कसुरमा अनुसन्धानका लागि चार दिनको म्याद दिएको हो। नेपाल प्रहरीको साइबर व्युरोका प्रवक्ता दिपकराज अवस्थीका अनुसार पाँडेविरुद्ध एक महिलाले विद्युतीय कारोवार ऐनअन्तर्गतको कसुरमा ब्युरोमा उजुरी दिएकी छन् । यहि ऐनको दफा ४७ अनुसारको कसुरमा उनीविरुद्ध ...
: पशुपति मन्दिर परिसरको सतलमा एक महिलाको शव फेला परेको छ । प्रहरीका अनुसार बिहीबार बिहान स्थानीयले सतलमा घोप्टो परेर सुतिरहेको अवस्थामा उनलाई फेला पारेका थिए । धेरैबेरसम्म हलचल नगरेपछि स्थानीयले प्रहरीलाई खबर गरेका थिए । प्रहरीका अनुसार ति महिलाको अहिलेसम्म कुनै नाम वतन खुलेको छैन । उनी वेवारिसे भएर पशुपति परिसरमा बस्दै आएकी बताइएको ...
: ठूलो परिमाणमा नगदसहित नुवाकोटको गुर्जेमा जुवा खेलिरहेकाहरू पक्राउ परेका छन्। शिवपुरी गाउँपालिका-६ गुर्जेभन्ज्याङमा रहेको बार्दलीइन होटलमा जुवा खेलिरहेका २२ जनालाई कौडा र ठूलो परिमाणको नगदसहित पक्राउ गरिएको जिल्ला प्रहरी कार्यालय नुवाकोटले जनाएको छ। प्रहरी नायब उपरीक्षक विक्रम लामाको टोलीले उक्त स्थानमा कौडा खेलिरहेको जानकारी पाएपछि छापा मारेको थियो। प्रहरी टोलीले ६ जना महिला ...
टेलर स्विफ्टद्वारा २ विश्व रेकर्ड : धेरै रि-पोस्ट हुने इन्स्टाग्राम पोस्ट र धेरै सुनिने पडकास्ट
: हाइड्रोजनबाट इन्धन निकाल्नका लागि अध्ययन हुने भएको छ । २०६५ सालमा नै नेपालले हाइड्रोजन इन्धनको अध्ययन गरेको थियो । अध्ययनको करिब १७ वर्षपछि ग्रीन हाइड्रोजन इन्धन उत्पादनका लागि नै काम सुरु भएको छ । सरकारले कोरियाली कम्पनीसँग ग्रीन हाइड्रोजन इन्धन उत्पादनका लागि सम्झौता गरेको छ । सरकारले करिब २० मेगावाट विद्युत् खर्च गरेर हाइड्रोजन इन्धन उत्पादन गर्ने गरी ...