— वेस्ट इन्डिज र पाकिस्तानबीचको तीन खेलको एक दिवसीय सिरिज वेस्टइन्डिजले आफ्नो नाममा पारेको छ । अन्तिम खेलमा पाकिस्तानको प्रदर्शन हेर्न लायक नै रहेन ।
मंगलबार सिरिज मात्रै होइन, पाकिस्तानलाई लज्जास्पद हार चखाएर घर फिर्ता पठाएको छ । वेस्टइन्डिजका लागि यो ऐतिहासिक जित हो । ३४ वर्षपछि एक दिवसीय सिरिजमा पाकिस्तानमाथि जित निकालेको हो ।
ऐतिहासिक जितमा वेस्टइन्डिजले अन्तिम खेल २०२ रन अन्तरले हरायो ।
पाकिस्तान ९२ बलमै अलआउट
त्रिनिदादको ब्रायन लारा स्टेडियममा भएको अन्तिम खेलमा पहिला व्याटिङ गर्दै वेस्टइन्डिजले ६ विकेटको क्षतिमा २९४ रन बनायो । जसमा कप्तान शाई होपले व्यक्तिगत १२० रन बनाए ।
२९५ रनको लक्ष्य लिएर मैदानमा उत्रिएको पाकिस्तान २९ दशमलव २ ओभरमा मात्र ९२ रन बनाउँदै अलआउट भयो ।
५ जनाले खाता खोल्न सकेनन्
वेस्टइन्डिजका बलरसामु पाकिस्तानी ब्याटिङ लाइनले घुँणा टेक्यो । कप्तान मोहम्मद रिजवाद, सईम अयूब, अब्दुल्लाह शफीकसहित पाँच ब्याटरले खातासमेत खोल्न सकेनन् । वेस्टइन्डिजका बलर जोयडेन सील्सले आक्रमण बलिङ गर्दै एक्लै ६ विकेट लिए ।
पहिलो ओभरमै शून्य रनमै सील्सले सईम अयूलाई आउट गरेका उनले तेस्रो ओभरमा अर्का ओपनर अब्दुल्लाह शफीकलाई पनि शून्य मै आउट बनाए । उनले मात्र १८ रन खर्चिएर कूल ६ विकेट लिए ।
यता वेस्टइन्डिजका कप्तान होपले भने कीर्तिमानी पारी खेले । उनले नटआउट १२० रन बनाए । ९४ बल खेलेका उनले त्यसक्रममा १० चौका र ५ छक्का प्रहार गरे । एक दिवसीय करिअरमा १८ औं शतक प्रहार गर्दै उनी सर्वाधिक शतक प्रहार गर्ने वेस्टइन्डिजका खेलाडीहरुको सूचीमा तेस्रो नम्बरमा पुगेका छन् ।
