: अष्ट्रेलियाका प्रधानमन्त्री एन्थोनी अल्बानीजले सेप्टेम्बरमा हुने संयुक्त राष्ट्र संघको महासभामा आफ्नो देशले प्यालेस्टाइनलाई स्वतन्त्र राष्ट्रको रूपमा मान्यता दिने बताएका छन्।
यसअघि बेलायत, फ्रान्स र क्यानडाले प्यालेस्टाइनलाई स्वतन्त्र देशको रूपमा मान्यता दिने कुरा गरिसकेका छन्।
अल्बानीजले प्यालेस्टिनी प्राधिकरण (पीए)ले अष्ट्रेलियालाई आफ्नो सैन्य र हतियार आधार घटाउने, आम चुनाव गराउने र इजरायलको अस्तित्वलाई मान्यता दिने जस्ता केही प्रतिज्ञा गरेको बताए।
‘दुई राज्यलाई मान्यता दिनु भनेको मध्य पूर्वमा हिंसा अन्त्य गर्ने र गाजामा द्वन्द्व, पीडा र भोकमरी अन्त्य गर्ने मानवताको सबैभन्दा राम्रो आशा मध्ये एक समाधान हो,’ उनले भने।
यसैबीच गाजामा युद्धविरामका लागि बढ्दो दबाबको सामना गरिरहेको इजरायलले प्यालेस्टाइनलाई मान्यता दिनु आतंकवादलाई पुरस्कृत गर्नु जस्तै भएको बताएको छ।
भोकमरी र कुपोषणका कारण शनिबारदेखि गाजामा पाँच जनाको मृत्यु भएको छ। हमासद्वारा सञ्चालित स्वास्थ्य मन्त्रालयका अनुसार कुल मृत्यु हुनेको संख्या २१७ पुगेको छ।
मन्त्रालयले २०२३ देखि इजरायलको सैन्य कारबाहीमा कुल ६१ हजारभन्दा बढी मानिसको मृत्यु भएको जनाएको छ।
