: दक्षिण कोरियाली सुपरस्टार सन ह्युंग–मिन टोटनह्याम हट्स्पर छाडेर अमेरिकी क्लब लस एञ्जेलस एफसी (एलएएफसी)मा आबद्ध भएका छन्।
एलएएफसीले उनलाई किन्न २० मिलियन पाउन्डभन्दा बढी तिरेको छ। यो मेजर लिग सॉकर (एमएलएस)को अहिलेसम्मकै महँगो स्थानान्तरण हो।
३३ वर्षीय सनले भने, ‘एलए पहिलो रोजाइ थिएन। तर एलएएफसीका अध्यक्षसँगको कुराकानीले मेरो मन परिवर्तन गर्यो। म यहाँ ट्रफी जित्न आएको हुँ।’
सनले टोटनह्यामका लागि १० वर्षमा १७३ गोल गरेका थिए। उनी क्लबका पूर्वसाथी ह्युगो लोरिससँग एलएएफसीमा पुनः एकत्रित भएका छन्।
टोटनह्यामका अध्यक्ष ड्यानियल लेभीले उनलाई क्लबको एक महान् खेलाडी र प्रेरणादायी व्यक्तित्वको रूपमा सम्झेका छन्।
