: एप्पलले अमेरिकामा थप १०० अर्ब अमेरिकी डलर लगानी गर्ने प्रतिबद्धता जनाएको छ। ह्वाइट हाउसले दिएको जानकारी अनुसार एप्पलले उक्त लगानी गर्ने प्रतिबद्धता जनाएको हो।
एप्पलले यसअघि नै आगामी चार वर्षभित्र ५०० अर्ब डलर लगानी गर्ने घोषणा गरिसकेको छ। उक्त लगानीमा १०० अर्ब डलर थपिने भएको हो।
राष्ट्रपति डोनाल्ड ट्रम्पले अमेरिकी कम्पनीहरूलाई आफ्ना उत्पादन गतिविधिहरू अमेरिकामै सार्न दबाब दिँदै आएका छन्, जसबाट रोजगार वृद्धि हुने विश्वास गरिएको छ। एप्पलको यो निर्णयलाई त्यसै सन्दर्भमा ठूलो उपलब्धि मानिएको छ।
