। भारतको चर्चित सांगीतिक कम्पनी टी सिरिजलाई युट्युबमा पछ्याउनेको संख्या सोमबार ३० करोड नाघेको छ ।
आफ्ना सब्सक्राइबर संख्या ३०० मिलियन पुगेपछि टी सिरिजले दर्शकप्रति आभार व्यक्त गरेको छ ।
फेसबुकमा टी सिरिजले लेखेको छ, ‘भारतका सडकदेखि विश्वका पर्दासम्म- हामी संगीतको विश्वव्यापी भाषा बनेका छौं । सुन्नुभएकोमा, माया गर्नुभएकोमा, विश्वास गर्नुभएकोमा र यो यात्राको हिस्सा बन्नुभएकोमा धन्यवाद ।’
टी सिरिज १० करोड र २० करोड सब्सक्राइबरको आँकडा पार गर्ने विश्वकै पहिलो युट्युब च्यानल हो । तर, विश्वमा सर्वाधिक युट्युब सब्सक्राइब हुने च्यानल चाहिँ मिस्टर बिस्ट हो ।
मिस्टर बिस्टलाई अमेरिकी कन्टेन्ट क्रिएटर जिम्मी डोनाल्डसनले चलाउँछन् । मिस्टर बिस्टको सब्सक्राइबर संख्या ४२ करोड पुग्न लागेको छ ।
टी सिरिज भारतसहित विश्वभर चर्चित छ । हिन्दी गीत स्ट्रिमिङ गर्दै आएको यो च्यानलले पछिल्लो समय केही नेपाली कलाकारको हिन्दी गीतलाई पनि रिलिज गर्दै आएको छ ।
