: भारत र इङ्ग्ल्याण्डबीचको एन्डरसन–तेन्डुलकर ट्रफी २०२५ को अन्तिम टेस्ट खेल लन्डनको ओभल क्रिकेट मैदानमा भइरहेको छ। यस खेलको चौथो दिन आइतबार समाप्त भएको छ।
इङ्ग्ल्याण्डको स्कोर ३३९ रन छ र यसले ६ विकेट गुमाएको छ। जेमी ओभरटन ० र जेमी स्मिथ २ रनमा अविजित छन्। इङ्ग्ल्याण्ड जितबाट ३५ रन टाढा छ। भारतलाई चार विकेट आवश्यक छ।
अब यो खेलको फैसला पाँचौं दिनमा हुनेछ। वर्षाका कारण चौथो दिनको खेल चाँडै समाप्त गर्नुपरेको थियो।
खेलमा भारतीय टोलीले इङ्ल्यान्डलाई जितका लागि ३७४ रनको लक्ष्य दिएको छ। भारतीय टोलीले आफ्नो पहिलो इनिङमा २२४ रन बनाएको थियो भने इङ्ल्यान्डले आफ्नो पहिलो इनिङमा २४७ रन बनाएको थियो। पहिलो इनिङको आधारमा इङ्ल्यान्डले २३ रनको थोरै अग्रता लिएको थियो। त्यसपछि भारतीय टोलीको दोस्रो इनिङ ३९६ रनमा समाप्त भयो।
शुभमन गिलको नेतृत्वमा रहेको भारतीय टोलीका लागि यो खेल धेरै महत्त्वपूर्ण छ । यो खेल जितेमा मात्र भारतीय टोलीले पाँच खेलको टेस्ट शृङ्खला बराबरी गर्न सक्षम हुनेछ। यदि ओभल टेस्ट बराबरीमा सकियो वा इङ्ल्यान्डले जित्यो भने भारतीय टोलीले शृङ्खला गुमाउनेछ।
