: दक्षिण युक्रेनी सहर माइकोलाइभका अधिकारीले रुसी क्षेप्यास्त्र आक्रमणबाट सर्वसाधारणका घर र पूर्वाधार ध्वस्त भएको बताएका छन्।
कालो सागर नजिकैको यस सहरमा भएको आक्रमणमा कम्तीमा तीन जना नागरिक घाइते भएका छन्। रुसले यस सहरमा बारम्बार गोलाबारी गरेको छ।
युक्रेनको आपतकालीन सेवाले क्षेप्यास्त्र आक्रमणपछि घटनास्थलमा अग्निनियन्त्रकको तस्बिर पोस्ट गरेको छ।
आइतबार बिहान सोचीको कालो सागर नजिकै रहेको तेल डिपोमा ठुलो आगलागी भएको छ। रुसी अधिकारीहरूले यसका लागि युक्रेनी ड्रोन आक्रमणलाई दोष दिएका छन्।
यसपछि सोही क्षेत्रमा अवस्थित सोची विमानस्थलबाट उडान स्थगित गरिएको छ।
क्रास्नोडार क्षेत्रका गभर्नर भेनियामिन कोन्ड्राटयेभले ड्रोनको भग्नावशेष इन्धन ट्याङ्कीमा ठोक्किएको बताए। उनले १२७ अग्निनियन्त्रक आगो निभाउन संघर्ष गरिरहेको बताए।
