। अस्ट्रेलियाले वेस्ट इन्डिजसँगको पाँच खेलको टी-२०आई शृंखला क्लिन स्वीप गरेको छ । मंगलबार विहान भएको पाचौं टी-२०आईमा ३ विकेटको जित निकाल्दै अस्ट्रेलियाले पहिलोपटक टी-२०आई शृंखला ५-० ले जितेको हो ।
वेस्ट इन्डिजले दिएको १७१ रनको लक्ष्य अस्ट्रेलियाले १७ ओभरमा ७ विकेटको क्षतिमा भेट्टायो । अस्ट्रेलियाका लागि मिचेल ओवेनले १७ बलमा ३७ रन बनाए । त्यस्तै क्याम्रन ग्रीनले १८ बलमा ३२ तथा टिम डेभिडले १२ बलमा ३० रन बनाए ।
वेस्ट इन्डिजका लागि अकिल होसेनले ४ ओभरमा १७ रन दिएर ३ विकेट लिए भने अल्जारी जोसेफ र जेसन होल्डरले २-२ विकेट लिए ।
त्यसअघि टस हारेर पहिले ब्याटिङको निम्तो पाएको वेस्ट इन्डिजले १९.४ ओभरमा अलआउट हुँदै १७० रन बनाएको थियो । वेस्ट इन्डिजका लागि शिम्रोन हेटमायरले ३१ बलमा ३ चौका र ३ छक्कासहित ५२ रन बनाए । शेरफन रदरफोर्डले ३५ रन बनाए ।
अस्ट्रेलियाका बेन डारशुइसले ३ विकेट लिँदा नेथन एलिसले २ तथा एडम जाम्पा, शन एबट, आरोन हार्डी र ग्लेन म्याक्सवेलले समान १ विकेट लिए ।
अस्ट्रेलियाले पहिलो खेलमा ३ विकेट, दोस्रो खेलमा ८ विकेट, तेस्रो खेलमा ६ विकेट तथा चौथो खेलमा ३ विकेटको जित निकालेको थियो ।
त्यसअघि भएको ३ खेलको टेस्ट शृंखलामा पनि अस्ट्रेलिया अपराजित रहेको थियो ।
