। बलिउड अभिनेता चंकी पाण्डेले आइतबार पशुपतिनाथ मन्दिरको दर्शन गरेका छन् । पूजाआजा गरेको लगायतका फोटो उनले सेयर गरेका छन् ।
‘श्रावण महिनामा पशुपतिनाथ मन्दिरको दर्शन गर्न पाउँदा धेरै भाग्यमानी महसुस भयो’ उनले लेखेका छन् ।
हिन्दु क्यालेन्डरअनुसार साउन महिनालाई भगवान शिवको निकै पवित्र महिना मानिन्छ । साउन महिना सुरु भएसँगै नेपाल र भारतबाट आएका हिन्दु धर्मावलम्वीले पशुपतिनाथमा आराधना गरिरहेका छन् ।
कामको कुरा गर्दा, चंकीको अभिनय रहेको फिल्म ‘सन अफ सरदार २’ शुक्रबारदेखि विश्वभर रिलिज हुँदैछ ।
